---------------------------------------------------------------
     Подготовка текста: "Библиотека Фронтистеса"
     Origin: http://members.xoom.com/oksana_k/PDF/slovo.pdf
     Текст скорректирован по изданию проекта "Titus"
---------------------------------------------------------------


     Условные обозначения:

     Ь - "ять"

     я - "юс малый"

     щ - "шта"



     Не  лЬпо  ли  ны  бЬщетъ,  братие,  начяти  старыми  словесы троудъныхь
повЬстии о пьлкоу ИгоревЬ, Игоря Святославичя?

     Начяти  же ся тои пЬсни по былинамь сего врЬмене  <веремене>, а  не  по
замыщлению Бояню.

     Боянь бо вЬщии,  аще <аче> комоу хотяше пЬснъ  творити, то  растЬкашетъ
<росi>  ся  мыслию по  дрЬвоу  <деревоу>, сЬрымъ вьлкьмъ  по  земли,  сизымъ
оръльмъ подь облакы <оболокы>.

     Помъняшетъ  бо  i рече i първыхь врЬмень <веремень>  оусобицЬ, i  тьгда
пыщяшетъ  десятъ соколовь <?соколь> на стадо  лебедии:  которыЬ дотечяше, та
прЬди <переди> пЬснъ пояше.

     Боянь  же,  братие,  не  десятъ  соколовь <?соколь>  на  стадо  лебедии
поущяше, дь своЬ  вЬщЬЬ  пърсты на  живыЬ строуны  вьскладаше;  оны же  самы
кьняземь  славоу   рокотахоу:  старомоу  Ярослабоу,  храбромоу  <хоробромоу>
Мъстиславоу, иже зарЬза Редедю  прЬдь <передь> пьлкы  Касожъскыми, красномоу
Романови Святославичю.

     ПочънЬмь  же,  братие,  повЬстъ сию,  зане же болЬзнъ кьняземъ  о земли
Роусъкои оть стараго  ВладимЬра <Володиi> до нынЬшъняго  Игоря, иже истягноу
оумь крЬпостию своею и поостри сърдъця своего моужъствьмъ.

     Напьлнивь ся  ратънаго  доуха, наведе своЬ храбрыЬ  <хоробрыЬ> пьлкы на
землю Половъчъскоую за землю Роусъскоую.





     Тьгда Игоръ вьзърЬ на свЬтълое  сьлнъце и видЬ оть него тъмою въсЬ своЬ
воЬ прикрыты.

     И рече Игоръ кь дроужинЬ своеи.

     "Братие и дроужино! лоуче же бы потятоу боути, неже полоненоу быти.

     ""А вьсядЬмь, братие, на своЬ бьрзыЬ комонЬ, да позъримь синего Доноу!"

     Сьпала кьнязю оумь похоти, и жялостъ емоу знамение застоупи i искоусити
Доноу Великаго.

     "Хощю  <хочю> бо  i рече i копие приломити конъцъ поля Половъчъского сь
вами, Роусичи; хощю <хочю> главоу  <головоу> свою  приложити,  а любо испити
шеломьмъ Доноу."





     О,  Бояне,  соловию  старого  врЬмене  <веремене>!  абы  ты  сиЬ  пьлкы
вьщекоталъ, скачя, славию <соловию>, мыслъноу дрЬвоу <деревоу>, лЬтая оумьмъ
подь облакы <оболокы>, сьвивая славы оба полы сего  врЬмене <веремене>, рищя
вь тропоу Трояню чрЬсь <чересь> поля на горы.

     ПЬти было пЬснъ Игореви того вьноукоу:

     "Не боуря  соколы занесе  чрЬсь  <чересь> поля  широкая;  галицЬ  стады
бЬжятъ кь Доноу Великомоу."

     Чили вьспЬти было, вЬщии Бояне, Велесовь вьноуче:

     Комони рьжютъ за Соулою  i звънитъ  слава вь КыевЬ; троубы троубятъ  вь
НовЬiградЬ  <iгородЬ[]  i  стоятъ стязи вь Поутивли; Игоръ жъдетъ мила брата
Въсеволода.

     И рече емоу боуи тоуръ Въсеволодь:

     "Одинь братъ, одинь свЬть свЬтълыи ты, Игорю: оба есвЬ Святославичя!

     ""Седълаи, брате, своЬ бьрзыЬ комонЬ!

     ""А мои ти готови, оседълани оу Коуръска на переди.

     ""А мои ти Коуряне i сьвЬдоми кьмети ><?кьметие>: подь троубами повити,
подь шеломы вьзлелЬяни, конъцъ копия вьскьрмлени.

     ""Поути  <?поутие>  имь  вЬдоми,  яроугы  имь  знаемы,  лоуци  оу  нихь
напряжени, тоули отворени, саблЬ изьострены.

     ""Сами  скачютъ  акы сЬрии вьлци вь  поли, ищюче себЬ  <собЬ> чъсти,  а
кьнязю славы."





     Тьгда вьстоупи Игоръ кьнязъ  вь <золотъ> стременъ и поЬха  по  чистомоу
полю.

     Сьлнъце емоу тъмою поутъ застоупаше.

     Нощъ <ночъ>  стоноущи  <стоноучи>  емоу грозою пьтичъ  оубоуди,  свисть
звЬринь вь съта сьби.

     Дивь кличетъ върхоу дрЬва <дерева>: велитъ  послоушяти земли незнаемЬ i
ВьлзЬ  и  Поморию,  и  Посоулию,  и  Соурожю, и  Кьрсоуню,  и  тебЬ  <тобЬ>,
Тьмоутороканъскыи бьлване ...

     А  Половъци неготовами  дорогами побЬгошя кь  Доноу Великомоу;  кричятъ
телЬгы  полоунощи  <iночи>, ръци  i лебеди роспоущены:  Игоръ  кь Доноу  воЬ
ведетъ!

     Уже бо ся бЬды его пасетъ пьричъ  подоболочию; вьлци грозоу ворожятъ по
яроугамь;  оръли  клъкьтьмъ  на  кости  звЬри  зовоутъ;  лисицЬ  брешютъ  на
чървленыЬ щиты.

     О Роусъская земле, оуже за шелменъмъ еси!





     Дьлго ночи мъркнетъ заря.

     СвЬтъ запала, мъгда поля покрыла.

     Щекоть славии <соловии> оусьпе, говорь галицъ оубоуди.

     Роусичи великая  поля чървлеными  щиты перегородишя, ищюче  себЬ <собЬ>
чъсти, а кьнязю славы.





     Сь  зарания  вь пятькь потьпьташя поганыЬ  пьлкы ПоловъчъскыЬ и расоушя
<росоушя> ся стрьлами по полю:  помьчяшя красъныЬ дЬвькы  ПоловъчъскыЬ,  а с
ними злато <золото> и паволокы и драгыЬ <дорогыЬ> оксамиты.

     Орьтьмами и японъчицями  и кожюхы  начяшя  мосты  мостити по болотомь и
грязиивымь мЬстомь, i и въсякыми оузорочии Половъчъскыми.

     Чървлень стягь,  бЬла хорюгьвъ </хороугьвъ>,  чървлена челька, сребръно
<серебръно> строужие храбромоу <хоробрамоу> Святославичю!





     ДрЬмлетъ вь поли Олъгово хороброе гнЬздо: далече залетЬло.

     Не  было оно обидЬ  порожено  ни соколоу, ни кречетоу,  ни тебЬ <тобЬ>,
чърныи воронь, поганыи Половъчине!

     Кьза  бЬжитъ  сЬрымъ  вьлкьмъ;  Конъчякь  емоу  слЬдь правитъ кь  Доноу
Великомоу.





     Дроугаго дъне велъми рано крьвавыЬ зорЬ свЬть повЬдаютъ.

     ЧърныЬ тоучЬ сь  моря идоутъ, хотятъ прикрыти четыри сьлнъця, а вь нихь
трепещютъ <трепечютъ> синЬЬ мьлниЬ.

     Быти громоу великомоу, ити дьждю стрЬлами сь Доноу Великого.

     Тоу  ся  копиемь  приламати,   тоу  ся  саблямь   потроучяти  о  шеломы
ПоловъчъскыЬ, на рЬцЬ на Каялы, оу Доноу Великого.

     О Роусъская земле, оуже за шеломенъмъ еси!





     Се  вЬтри, Стрибожи  </Стъриi?>  вьноуци,  вЬютъ  сь  моря стрЬлами  на
храбрыЬ <хоробрыЬ> пьлкы Игоревы.

     Земля тоутънетъ, рЬкы моутъно текоутъ, пороси поля прикрываютъ.

     Стрязи глаголютъ: Половъци идоутъ оть Дона и оть моря!

     И оть въсЬхь странь <сторонь> РоусъскыЬ пьлкы остоупишя.

     ДЬти  БЬсовы кликьмъ  поля  перегородишя, а храбрии  <хоробрии> Роусичи
прЬградишя <перегородишя> чървлеными щиты.





     Ярь  тоуре  Въсеволоде!  стоиши на  борони,  прыщеши  на воЬ  стрЬлами,
гримлеши о шеломы мечи харалоужъными.

     Камо  тоурь поскачяше, сваимъ  златымъ <золотымъ>  шеломьмъ посцЬчивая,
тамо лежятъ поганыЬ головы ПоловъчъскыЬ.

     ПоскЬпани  саблями  калеными  шеломи  Оваръскии  оть  тебе,  ярь  тоуре
Въсеволоде!

     Дая  раны,  дорога  братие,  забывь  чъстии,  живота и  града  <города>
Чърнигова,  отъня  злата  <золота>  стола,  и  своеЬ  милыЬ  хоти,  красъныЬ
ГьлЬЬбовъны, сьвычяя и обычяя.





     Были  сЬчЬ ТроянЬ, миноула лЬта  Ярославля; были  пьлци Олъгови,  Олъга
Святославичя.

     Тьи  бо  Олъгь  мечъмъ крамолоу  <коромолоу> коваше  и  стрЬлы по земли
сЬяше.

     Стоупаетъ вь злать <золоть> стременъ вь градЬ <городЬ> Тьмоуторокани.

     Ть же звонь слышя давъныи великыи Ярославь.

     А сынь Въсеволожъ  ВладимЬрь <Володиi> по въся оутра оуши  закладаше вь
ЧърниговЬ.

     Бориса же  Вячеславичя  слава на Соудь  приведе  и  на  ковылоу зеленоу
паполомоу постъла за обидоу Олъговоу, храбра <хоробра> и млада кьнязя.

     Сь  тоЬ  же  ковылы Святопьлкь  полилЬя  отъця  своего  межю Угоръскыми
иноходъци кь святЬи Софии кь Кыевоу.

     Тьгда, при ОлъзЬ Горславичи, сЬяшетъ ся и растяшетъ <ростi>

Популярность: 30, Last-modified: Mon, 01 Nov 2004 13:58:38 GMT